[ندعوك للتسجيل في المنتدى أو التعريف بنفسك لمعاينة هذه الصورة]نحتاج
كيلو ونص ديال الغنمي
نصف معلقة كبيرة سكينجبير
نصف معلقة خرقوم بلدي
معلقة صغيرة قزبر مطحون
بزار
ملح
سمن معلقة صغيرة
6 فصوص تومة محكوكين
زيت بلدية ورومية
2 كيسان العنبة ديال الماء
كيف كيبان لكم في الصور كناخد الطنجية
قبل منطيب فيها كنعمرها بالماء مزيان ونخليها على عافية مهيييييييييلة تيغلى فيها الماء عاد من بعد نستعملوها عادي
ندير العطرية والتومة ونخلطها بزيت بلدية ورومية وكاس ديال الماء
من بعد ندير اللحم ونحركها مزيان عاد نزيد الكاس التاني
ندير الحديدة فوق البوطة ونخليها تتسخن مزيان عاد نزل فوقها الطنجية للي غطيناها وتكون العافية مهيلة بزاف
ولكن يالالياتي للي بغات تنصبها للعشاء خاص تردها مع 7 الصباح باش يالله توجد ليكم للعشاء
واقيلا غديين تديرو بناقص منها ههههههههههه
نخليكم مع الصور
[ندعوك للتسجيل في المنتدى أو التعريف بنفسك لمعاينة هذه الصورة]متنساوش مرة مرة حركوها باش تشوفو واش مزال فيها الماء ولالا
تحياتي للجميع
في امان الله
