منتدى التسوق المغربي

منتدى التسوق المغربي

أول منتدى مغربي للتسوق, سوق لعرض البضائع, سوق إلكتروني, بشرى لمحبات التسوق الإلكتروني,منتدى نسائي,منتدى الأسرة
 
الرئيسيةاليوميةس .و .جبحـثالتسجيلدخول

شاطر | 
 

 اسرار حلويات اللوز من مطبخ مريم الزهراء

اذهب الى الأسفل 
كاتب الموضوعرسالة
إدارة المنتدى
Admin
avatar

عدد المساهمات : 42
تاريخ التسجيل : 29/01/2013

مُساهمةموضوع: اسرار حلويات اللوز من مطبخ مريم الزهراء   الإثنين يناير 06, 2014 2:59 am



[ندعوك للتسجيل في المنتدى أو التعريف بنفسك لمعاينة هذه الصورة]



السلام عليكم و رحمة الله و بركاته


اسرار حلويات اللوز من مطبخ مريم الزهراء


عجين حلويات اللوز :
كل ما كانت رقيقة بزاف كلما كتبان وزينة وعاطيا منظر غزال اللي فيها ماتدلك دلك علا قلبها واللي عندها الماكينة أيكون أحسن بالنسبة اللي غاتدلك بالمدلك ديما العجينة نعملوها بين زوج ميكات أو ورقات السولفريزي نحاولو ما أمكن مانوصلوش للدقيق باش ماتقصاحش معانا العجينة وتبقى طرية وأحسن حجا نستعملو هو النشا ملي كذلك نقطعو بالمريشمات تاهما ندوزاهم فيه باش يسهل علينا ومايلصقش معانا.

عقدة اللوز:
وهي الأهم هي اللي كتخلي مذاق الحلوة عموما عندو مذاق رائع مثلا إلا كنا غادي نعملو من كيلو نتاع اللوز أشكال متعددة فيستحسن كل شكل نخصص ليه نكهة تميزو علا بقية الأشكال (روح اللوز،البنان،الڤاني،الفريز،البيستاش،قشور الليمون أو الحامض،،،،) المهم اللي متوفر ثانيا اللوز نفسخوه ونخليوه حتي ينشف من الماء كنخليه يوماين عاد نطحن وٍ حتى يلين ويولي غبرة المرة الأولى بوحدو والثانية مع السكر واللي بغات تزيد التالتة أيكون أحسن

بالنسبة ليا مثلا فهاد الحلويات استعملت 1/2 kg لوز وطحن تو مع 200g سنيدة رقيقة باش مايجي حلو والسر اللي تيخلي العقدة تجئ معلكة وبنينة هو نضيفو ملعقة كبيرة كونفتير مشماش مطحون لكل نص كغ لوز طبعا .


أما العجينة فكن عمل واحد الطريقة زوينة كندخل الزبدة الكونجيلاتور تجمد شوية ونكحها فالحكاكة د ماطيشة من بعد كنعبر قياس الفورص ونأمل معاه ديك الزبدة حتا تندمج معا الدقيق وناخدو غربال ولا صفاية عيونها كبار شوية ونغربلو داك الشي هاد الطريقة مزينة تتخلي العجينة لينة ورطبة حاجة أخرى كتعلق بماء الزهر نستعمل وٍ نوعية جيدة وايكون بارد باش نجمعو بيه العجينة والاهم من دالك منزربوش علا العجينة بالما حقاش رآه الزبدة كافية باش تجمعها غير ألما الزهر تيعطيها النسمة ويجمعها مزيان وندلكوها حتا تشد رأسها ونسد وٍ عليها فيكس بلاستيكي ورآها غاترطلب غير وحدها وتولي رطبة ولينة،

نخليوها ترتاح فالثلاجة شئ ساعة أو أكثر عاد نخدموها وأدبا غادي نحط المقادير اللي كنستعمل :

عجين حلوياتا للوز: 500g دقيق فورص +125g زبدة + 2 مع ك سكر گلاصي + شوية ملح + ماء الزهر لجمع العجين

عقدة حلويات اللوز: 500g لوز ً+ 200g سنيدة وشوية المسكة الحرة مانكتروش منها باش متطلقش المر ديالها +50& 100 زبدة بحسب نوعية اللوز واش ميدم ولا ناشف أنا استعملت 90g + مع ك كونفتير مشمش مطحون ويكون ساىل

[ندعوك للتسجيل في المنتدى أو التعريف بنفسك لمعاينة هذه الصورة]



نجيو دأبا لشرح حلوة من ابسط ما يكون بحيت صورتها مع المراشم المستعملة فيها تعملي دائرة من العجين وتوضع فوقها أصبع من عقدة اللوز بعد مانكونو دهنا بأبيض البيض نجمعه الجوانب ونقطعو وريدات تاهما قبل مانوضعوهم نده نو بلاصتهم بأبيض البيض وهذا ماكان

[ندعوك للتسجيل في المنتدى أو التعريف بنفسك لمعاينة هذه الصورة]


دأبا هاد الشكل سميتو الثويمة أنا كنس تعمل المرشم نتاعو اللي معندهاش تحاول تعمل دوك الشرطات غير بالسكين غير هو حاولو ما أمكن باش ايجيو مقادين هاد المرشم تنحدد بيه ومن بعد تنزيد نفلحهم المهم نعملو دائرة من العجين نضع كويرة من العقدة نجمعو الأطراف باش نديرو كرة هاداك الشي اللي جمعناه هو اللي أيكون التحت باش مايبانش التكماش من الفوق ورآه مصورة الطريقة بالتفصيل


[ندعوك للتسجيل في المنتدى أو التعريف بنفسك لمعاينة هذه الصورة]




دأبا نوري لكم هاد الكموصة فالصراحة يمكن لكن تعملو غير دائرة وحدة من العجين ولكن أنا بغيت نجرب. نعمل زوج عجبني منظرها هاكا تنقطعو زوج دوائر نلصقو بعضهم بالبيض. نححطو كويرة من العقدة ونجمعوها بحال الصرة وصافي مفهومة وهادي صورة تطبيقه


[ندعوك للتسجيل في المنتدى أو التعريف بنفسك لمعاينة هذه الصورة]




ساهلة تيخص غير المنقاش الصورة كتوضيح تنقطع دائرة من العجين نعمل وسطها كويرة من العقدة تدهن بأبيض البيض نلفوها بحال الكورة داك التكماش نعملوه التحت نبركو عليها شوية نقطع وريدات بالمرشم نلصقهم بالبيض وننقش بالمنقاش


[ندعوك للتسجيل في المنتدى أو التعريف بنفسك لمعاينة هذه الصورة]




الحلوة الموالية هي القرن نفس الطريقة المتبعة تنشملو العقدة بهاد الشكل باش تولي معانا كي القرن ونجمعو ليها الأطراف ونقادوها مزيان ونلصقو فيها وريدات ملي طيب نغطسو رأسها فالشكلاط أو العسل أو النباج الحاجة اللي تلصق لينا اللوز محمر وهدايا صورة الشكل


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]




نمرو دأبا للشكل الموالي من أسهل ما يكون تنعمللو قضيب من عقدة اللوز نكونو مسرحين العجينة ندهنوها بالبيض ونلفو عليها القضيب ونبدأ نقطعو فيها علا داك الشكل المبين فالصورة ونلصقو لوريدات


[ندعوك للتسجيل في المنتدى أو التعريف بنفسك لمعاينة هذه الصورة]



هادي تتسما حلوة العرايش تاهيا منظرها زوين صورتها بالتفصيل الممل والطريقة باينة
تعملوا زوج دوائر وحدة أكبر من الأخري وتلصق بالبيض نحذو العقدة علا شكل حرفY نجمعو غير العجينة من الوسط ونوضعو وريدات بعد مانكونو لصقناهم بالبيض

[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]




دأبا شكل حلوة الياسمينة. فالحقيقة تايلزمو المرشم ديالو ولكن اللي بغات تعمل الشكل تنقل عليه فالورق المقوى البلاستيكي ايجيها مزيان غير هو ماغايكونش مسربي بحال المرشم على أي شوفو الصور

[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]




وهكذا نكون كملت معاكم جميع الأشكال اللي فلبلاطو نتمنى يعجبكم هاد الشي اللي قدمت لكم
لازم هاد الحلوة تبقي ليلة كاملة عاد نطيبوها مانخليوهاش تحمر غير تشد فراسها وصافي هادي اول مرة استغنيت عن الألوان الاصطناعية وقضيت غير بغبرة الكاكاو فالصراحة عجبتني وغانبقا هي اللي ندير إلا بغيتو تعملوها بحالي نعطيكم الطريقة
ملي خلطت جميع المقادير النشفة مع الزبدة وترمل الدقيق ودخل من الزبدة نقصت حولي ثلث الخليط وضفت عليه شئ زوج معالق كاكاو مر نوع جيد وبقيت نضيف الماء الزهر حتا جمعت العجين



الرجوع الى أعلى الصفحة اذهب الى الأسفل
http://souk.ahlamontada.com
 
اسرار حلويات اللوز من مطبخ مريم الزهراء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التسوق المغربي  :: منتدى المطبخ المغربي والعربي والعالمي :: ركن الحلويات التقليدية والعصرية-
انتقل الى: